કિડની ડાયાલિસિસ અને ટ્રાન્સપ્લાન્ટથી કેવી રીતે બચી શકાય ?

કિડની ડાયાલિસિસ અને ટ્રાન્સપ્લાન્ટથી બચવાના ઉપાય

ઇન્ડિયા ટીવી પર એક વિશેષ શોનું આયોજન કરવામાં આવેલ હતું. તેમાં બાબા રામદેવે જણાવ્યુ હતું કે કેવી રીતે કિડનીનું ડાયાલીસીસ અને તેના ટ્રાન્સપ્લાન્ટથી બચી શકાય છે. તેમના કહેવા અનુસાર કિડનીની નિષ્ફળતા પહેલા કેટલાક લક્ષણો છે જેને સરળતાથી ઓળખી શકાય છે અને વધુ નુકસાનથી બચવા માટે કેટલાક યોગાસન અને પ્રાણાયામની મદદ લઈ શકાય છે. કિડની અને યકૃત સંબંધિત સમસ્યાઓ માટે અસરકારક ઈલાજ થઈ શકે છે.

કિડની ટ્રાન્સપ્લાન્ટ

       

કિડની અને યકૃત આપણા શરીરમાં બે મુખ્ય ઘટકો છે જે વધારે પાણીની સાથે શરીરમાં રહેલા ઝેરને બહાર કાઢવામાં મદદ કરે છે. કોરોના વાયરસને લીધે, લોકો તેમના ઘર સુધી મર્યાદિત છે અને લોકોની શારીરિક પ્રવૃતિમાં ઘટાડો થયો છે. તેનાથી ઘણા લોકો કિડનીમાં થતી પથરી, શરીરમાં વધારાના ઝેર અને અન્ય રોગોથી પીડાય છે. નબળી જીવનશૈલી અને ખાવાની ટેવને લીધે, આ સમય દરમિયાન કિડનીની સમસ્યાઓમાં વધારો જોવા મળ્યો છે. જ્યારે શરીરમાં ઝેર વધી જાય છે, ત્યારે તે કિડનીની નિષ્ફળતા અને કિડની ડાયાલિસિસ તરફ દોરી જાય છે.

💕યોગાસનો – કિડની રોગ માટે

• બાબા રામદેવે કેટલાક યોગાસનોની માહિતી આપી છે જે કિડની અને યકૃતને સ્વસ્થ રાખવામાં ખૂબ જ મહત્વનો ભાગ ભજવે છે.
• તેમાં મંડુકાસન, શશાંકસન, વક્રાસન, યોગ મુદ્રાસન, અર્ધ મત્સ્યેન્દ્રાસન, ગૌમુખાસન, પવનમુક્તાસન, ઉતાનપાદાસન, નૌકાસન અને ભૂજંગાસનનો સમાવેશ થાય છે.
• આ આસનો શરીરમાં રહેલ ફેટી એસિડ્સ અને ઝેર મુક્ત કરીને કિડનીને સ્વસ્થ રાખવામાં મદદ કરે છે. તે કિડની અથવા યકૃતમાં આવેલ સોજાની સારવાર કરવામાં પણ મદદ કરે છે.

કિડની ડાયાલીસીસથી અને ટ્રાન્સપ્લાન્ટથી બચવા માટેની કસરતો

💕કિડની અને યકૃતના આરોગ્ય માટે પ્રાણાયામ

શરીરને તંદુરસ્ત અને આરોગ્યપ્રદ રાખવા માટે દરરોજ થોડા પ્રાણાયામ કરવા ખૂબ જ લાભકારક છે. પ્રાણાયામ શરીરને આરામ આપવા ઉપરાંત મનને શાંત પણ રાખે છે. તે મન અને ઇન્દ્રિયોને સતેજ કરીને એક સારું વ્યક્તિત્વ બનાવવામાં મદદ કરે છે. તે શરીરમાંથી ઝેર દૂર કરવા માટે દરરોજ અનુલોમ-વિલોમ, ભ્રામરી, ભસ્ત્રિકા અને ઉજ્જાયી પ્રાણાયામ કરવાનું સૂચન કરે છે. બાબા રામદેવના જણાવ્યા અનુસાર આ પ્રાણાયામ કરવાથી ફેફસાં અને પાચક શક્તિઓ સક્રિય થાય છે જે શરીરને બધી અનિચ્છનીય વસ્તુઓને શરીરમાથી મુક્ત કરવામાં મદદ કરે છે.

ડાયાલીસીસ

💕ખરાબ કિડનીના લક્ષણો

• આંખો હેઠળ સોજો તથા શરીરમાં સોજાના લક્ષણો
• હાઈ અથવા લો બ્લડ પ્રેશર, લોહીમાં યુરિયાનો વધારો
• પેશાબ કરતી વખતે બળતરા થવી
• ચહેરો નિસ્તેજ બને છે, પગમાં સોજો આવે છે, થાક લાગે છે.
• મૂત્રપિંડમાં પથરી હોય છે, કિડનીમાં પ્રોટીન આલ્બ્યુમિનનો વધારો થાય છે.
• પેશાબનો રંગ ઘાટો આવે છે, પેશાબમાં લોહી આવે છે.
• ત્વચા અને આંખો પીળા રંગની થાય છે.
• પેટમાં દુખાવો થાય છે અને પેટ ફુલે છે.
• પીઠમાં દુખાવો થાય છે અને ખેંચાણ આવે છે.