આંખના દુખાવાના કારણો, લક્ષણો અને ઘરેલું ઉપાય

આંખના દુખાવાના કારણો, લક્ષણો અને ઘરેલું ઉપાય

આંખો એ શરીરનો નાજુક ભાગ છે. આંખોમાં ચેપને કારણે અનેક પ્રકારની સમસ્યાઓ થઈ શકે છે. જેમાં આંખોમાં દુખાવો સામાન્ય બાબત છે. તેથી, આંખોને દરેક નાના રોગથી સુરક્ષિત રાખવી જોઈએ. અમે આંખની કેટલીક સમસ્યાઓ વિશે વાત કરી રહ્યા છીએ જેનાથી આંખોમાં દુખાવો થઈ શકે છે. આ પીડા હળવાથી લઈને ગંભીર સુધીની હોઈ શકે છે. આ સિવાય આંખનો દુખાવો અને તેની સમસ્યાઓ ઘટાડવા માટે અમે કેટલાક ઘરેલું ઉપાયો પણ બતાવીશું. આ ઉપાયો આંખોને સ્વસ્થ રાખવામાં મદદ કરી શકે છે. સામાન્ય દુખાવા સમયે, પીડા અમુક હદ સુધી ઓછી કરી શકાય છે.

આંખના દુખાવાના કારણો, લક્ષણો અને ઘરેલું ઉપાય

👉 આંખના દુખાવાના કારણો

• ચેપ
• સોજો
• લેન્સના કારણે
• ગ્લુકોમા (મોતિયા)
• આંખોમાં સાઇનસની સમસ્યા
• આંખ ખેચાવી
• માથાનો દુખાવો
• તાવ

આંખના દુખાવાના કારણને જાણ્યા પછી, ચાલો તેના લક્ષણો વિશે વાત કરીએ.

👉 આંખના દુખાવાના લક્ષણો - આંખમાં દુખાવો વધવાના મુખ્ય લક્ષણો નીચે મુજબ છે

• પોપચાની અંદર લાલાશ અથવા સોજો.
• આંખની સંવેદના એ દુખાવાનું લક્ષણ હોઈ શકે છે.
• ખંજવાળ પણ આંખમાં દુખાવાનું લક્ષણ હોઈ શકે છે.

👉 આંખોના દુખાવાના ઇલાજ માટે ઘરેલું ઉપાય

આંખના દુખાવાના ઘરેલું ઉપાય આંખની સમસ્યાને અમુક હદ સુધી ઘટાડી શકે છે. જો સમસ્યા ગંભીર હોય તો ડોક્ટરનો સંપર્ક કરવો જોઈએ. ચાલો આપણે જાણીએ કે આ ઘરેલું ઉપાયોથી આંખોની સમસ્યા કેવી રીતે ઓછી થાય છે.

1. કાકડી
સામગ્રી:

• 2 કાકડી
• ઠંડુ પાણી

રીત:

• કાકડી કાપીને ઠંડા પાણીમાં 2-3 મિનિટ સુધી પલાળી રાખો.
• પછી તેને 10 મિનિટ સુધી આંખો પર રાખો.

ફાયદા

તમે ઘણી વાર જોયું હશે કે કાકડીનો ઉપયોગ આંખોને રાહત આપવા તેમજ આંખો હેઠળના કાળા કુંડાળાંને દૂર કરવા માટે કરવામાં આવે છે. આ સિવાય લોકો તેમના ચહેરા પર કાકડીનો ફેસપેક્સ પણ લગાવે છે . આ બધાની સાથે, કાકડી શુષ્કતાને કારણે થતી આંખની પીડા ઘટાડવામાં મદદરૂપ બને છે. કાકડી ત્વચાની અનેક સમસ્યાઓ દૂર કરવામાં તેમજ આંખો પર આવેલો સોજો અને દુખાવો દૂર કરવામાં મદદ કરી શકે છે. કાકડીમાં હાઇડ્રેટિંગ ગુણધર્મો છે, જે આંખોને ફ્રેશ રાખે છે. ઉપરાંત, કાકડીમાં લિગ્નાન્સ હોય છે, જે ઘટક આંખમાં બળતરા દૂર કરે છે

2. એલોવેરા જેલ

સામગ્રી:

• 1 ચમચી એલોવેરા જેલ
• 1-2 ચમચી ઠંડુ પાણી
• 2 સુતરાઉ દોરાની દડી

રીત:

• તાજી એલોવેરા જેલ લો અને તેને ઠંડા પાણીમાં મિક્સ કરો.
• તેમાં સુતરાઉ દડીને પલાળીને 10 મિનિટ સુધી આંખના પોપચા પર લગાવો.

ફાયદા

એલોવેરા જેલનો ઉપયોગ આરોગ્યની ઘણી સમસ્યાઓ ઘટાડવા માટે કરવામાં આવે છે. એક સંશોધન મુજબ, એલોવેરામાં મળતી ઇમ્યુનોમોડ્યુલેટરીના ગુણધર્મો આંખોની એલર્જી અને તેનાથી થતી પીડાને ઘટાડવામાં ફાયદાકારક થઈ શકે છે.

3. દૂધ અને મધ

સામગ્રી:

• 1 ચમચી નવશેકું દૂધ
• 2-3 ટીપાં મધ
• એક ડ્રોપર

રીત:

• દૂધ અને મધ મિક્ષ કરીને મિશ્રણ બનાવો.
• સ્વચ્છ ડ્રોપરનો ઉપયોગ કરીને અસરગ્રસ્ત આંખમાં આ મિશ્રણના એક કે બે ટીપા નાખવા.
• પછી થોડીવાર માટે તમારી આંખો બંધ રાખો.
• બાદમાં ચોખ્ખા પાણીથી આંખો ધોઈ લો.

ફાયદા

દૂધ આરોગ્ય માટે ઘણી રીતે ફાયદાકારક છે. વૈજ્ઞાનિકો દ્વારા કરવામાં આવેલા સંશોધન મુજબ, દૂધમાં મળી રહેલ એન્ટિઇન્ફ્લેમેટરી ગુણધર્મો આંખની બળતરા ઘટાડવામાં મદદ કરે છે.

4. બટેટા

સામગ્રી:

• એક બટેટું
• સુતરાઉ દોરાની દડી

રીત:

• બટાકાની છાલ કાઢી લો અને છીણી લો.
• તેનો રસ સુતરાઉ દડી પર નાંખો.
• આ સુતરાઉ દડીને આંખોના અસરગ્રસ્ત વિસ્તારમાં 15 મિનિટ સુધી રાખો.

ફાયદા

બટાટા સ્વાસ્થ્ય માટે તેમજ શાકભાજી અને વાનગીઓમાં સ્વાદ વધારવા માટે ઘણી રીતે ફાયદાકારક છે. બટાટા આંખો માટે પણ ખૂબ જ ઉપયોગી છે. સંશોધન મુજબ તે આંખોની બળતરા દૂર કરવામાં મદદ કરે છે. આંખો પર આવેલો સોજો અને શુષ્કતાને કારણે થતા આંખના દુખાવામાં રાહત આપે છે.

5. હળદર

સામગ્રી:

• અડધી ચમચી હળદર પાવડર
• 1 ગ્લાસ પાણી
• એક ડ્રોપર

રીત:

• પાણી ગરમ કરો અને ત્યારબાદ તેમાં હળદર પાવડર નાખો.
• તેને સારી રીતે મિક્સ કરો.
• આ મિશ્રણને ચાળવું.
• મિશ્રણ ઠંડુ પડ્યા પછી, ડ્રોપરની મદદથી આ મિશ્રણનો એક ડ્રોપ અસરગ્રસ્ત આંખમાં નાખવો.

ફાયદા

જો આપણે હળદરના તબીબી ફાયદાઓની વાત કરીએ તો હળદર અનેક રીતે આરોગ્ય માટે ફાયદાકારક બની છે. જે આંખના ચેપને દૂર કરવામાં મદદ કરી શકે છે. તે આંખોની બળતરા અને તેનાથી થતી પીડાને દૂર કરવામાં અસરકારક હોઈ શકે છે.

નોંધ: આંખો સૌથી સંવેદી હોય છે. તેથી, આ ઘરેલું ઉપાયોનો ઉપયોગ કરતા પહેલા, એકવાર ડોક્ટરને પૂછો.

આંખના દુખાવાના ઘરેલું ઉપાય જાણ્યા પછી, અહીં અમે તમને જણાવી રહ્યાં છીએ કે આંખમાં દુખાવો ન થવા માટે શું કરવું જોઈએ.

👉 આંખનો દુખાવો ટાળવા માટેનાં ઉપાય -

આંખનો દુખાવો સામાન્ય છે, પરંતુ જો અગાઉથી કાળજી લેવામાં આવે તો આંખના દુખાવાની સમસ્યાથી બચી શકાય છે. આ સાવચેતી નીચે મુજબ છે:

• ઘરની બહાર હોય ત્યારે સનગ્લાસ પહેરો. તે માત્ર સૂર્યના હાનિકારક કિરણોથી આંખોને સુરક્ષિત કરવામાં મદદ કરે છે, સાથે જ તે ધૂળ અને ચેપથી પણ સુરક્ષિત કરે છે.
• તમારી આંખોને સ્પર્શ અથવા ઘસવાનું ટાળો. આનાથી આંખોમાં ચેપ લાગવાની સંભાવના રહે છે.
• તમારા હાથને હંમેશા સાબુ અને ગરમ પાણીથી ધોઈને સાફ રાખો. આમ કરવાથી ચેપનું જોખમ ઘટાડી શકાય છે.
• તમારી ચેપગ્રસ્ત અને નોર્મલ આંખો માટે એકસમાન આંખના ટીપાંનો ઉપયોગ કરવો નહીં.
• આંખના ડોક્ટરની સલાહ લઈને જ કોન્ટેક્ટ લેન્સ પહેરો.
• આંખના ટીપાં, ચહેરાનું મેકઅપ, કોન્ટેક્ટ લેન્સ કે ચશ્મા અન્ય સાથે શેર કરશો નહીં. આનાથી ચેપ ફેલાવાનું જોખમ વધે છે.
• સ્વિમિંગ પુલનો ઉપયોગ કરવાનું ટાળો, કારણ કે પાણીમાં હાજર કલોરીન તમારી આંખોમાં ખંજવાળ ઉત્પન્ન કરી શકે છે.
• લાંબા સમય સુધી ટીવી અથવા મોબાઇલનો ઉપયોગ ટાળવો જોઇયે. આનાથી આંખના ચેપ, રોગ અથવા ગંભીર પીડાથી બચી શકાય છે.

મિત્રો, તમે સાંભળ્યું જ હશે કે આંખો ખૂબ કિંમતી હોય છે, તેથી તેમની સંભાળ ખૂબ જ જરૂરી છે. આ લેખ દ્વારા, અમે આંખમાં થતાં દુખાવા, તેના કારણો અને તેના ઘરેલું ઉપાયો વિશે વિસ્તૃત માહિતી આપી છે. આ માહિતી સાથે, એક વાત એ પણ યાદ રાખવી મહત્વપૂર્ણ છે કે આંખો નાજુક હોય છે અને તેમાં કોઈ પણ સમસ્યાને અવગણવી ન જોઈએ. આ લેખમાં આપવામાં આવેલા આંખના ઘરેલું ઉપાય તમારી આંખનો દુખાવો અને તેના ચેપને અમુક હદ સુધી ઘટાડી શકે છે, પરંતુ સંપૂર્ણ પુન: પ્રાપ્તિ માટે ડોક્ટરની તપાસ કરાવવી જરૂરી છે.